مجموعت زهيريات

ياليل ما قصرت بس الفكر مهموم
صابر واشيل القهر وهموم فوك هموم
ناديت ون الفجر محمل چثير هموم
وين الصديق الوفي الما شفت مثله جار
مدري الوكت علبشر لو بس علينه جار
ناديت مثل الهبل لاكو خوي وجار
مثلك صديق وشهم وتشيل عني هموم

من عندي لاتقترب هو انته شوفك سكر
ولوهاي ادي مستك بجروحي يصعد سكر
اذوب وكت الدفومحبوب كــــلك سكر
من وكفتك بل درب ارجوك بلله بطـل
ومن عندك اني خفت واكف وكفت بطـل
مااسكراني ابدشربني ميت بـــطــل
بس من اشوفك احس بل كون كله سـكر

مامل عن كتب الشعر للرجال مامل
فرسان الشهادة عن كولهم مامل
الوكت اخ الوكت وي العدو مامال
يمشي معاهم بطرق مسدودة
وعبوات النشامة بأذن الله مسددة
ياربي ندعيك منزل القرأن ومسدده
نسئلك الشهادة لا دنيا ولا مال

يازين طعم العسل مخزون في شفتك
او روحي عليه ترد لولا اتحگل شفتك
شفتي تعاسة او اسى او صار الفرح شفتك
او كل ما ابطل حزن حزني عليه ايعيد
ونچان ما صدگت هاك الجروح او عد
صايم ولا افطرت من مر عليه العيد
ايصير اعيد وانت هلال ماشفتك

ياصاح من بسمتك جو البكلبي صفا
غربلت وزن الربع بس وزنك انت صفا
قاسي كلبك علي يفلان صاير صفا
لجل عينك ماهبت للموت وديني
ومثل عاشك صرت يكول بشوك وديني
اي وحق من انزل القرأن وديني
حبي الك بكد من سعى مابين مروة وصفا