قصيدة ترحيب بشهر رمضان المبارك

مبــارك عليــكم الشــهر الفضــيل
أعاده الله علينا وعلى ألامة الاسلامية بكل خيـر

حبيت تكون مشاركتي بهاذي المناسبه
واخترت لكم هالقصيده اللي اعجبتني
واتمنى تنال اعاجبكم

يا مرحبا باللي علـى الحـول زواراللـي بـه الـزراع يجنـى ثمـاره
ترحيبتـاً عـداد همـال الامـطـاروعد العجـاج الـى تزايـد غبـاره

يا الزائر اللي تكرم الضيف والجـارحييـت فـي داج الظـلام ونهـاره
زيارتـاً فيهـا الغنايـم لـلأبـراروالا الخدوش الهم زيـارة خسـاره

شهماً قدومك فاح به عطر الازهـاروريح الندى والعشب فـاح بقـراره
يالله يـا منجـي نبيـه مـن النـاراللي ومرهـا بـرد بعـد الحـراره

تجعل لنا مع زائـر الخيـر تذكـارنذكر بهـا عنـدك بسجـل الزيـاره
تكتب لنـا قـدام قصـاف الاعمـارقبل العمل والروح ياقـف مسـاره

مادام نقدر بيـع واربـاح واتجـاربشهراً يضاعف فيه ربـح التجـاره
يا عالماً يعرض لها البيـع تكـرارتوجهـوا للربـح مشيـاً بـغـاره

الخير يعرض موسمه وانتم احـرارواللي يريد الربـح يطلـب خيـاره
وتبع الهوى والنفس وابليس غـداركلٍ عمـود الديـن يرفـع شعـاره

من طاوع العـدوان قـادوه للنـارنـاراً تمثـل بالعمـائـر شــراره
نـاراً توقـد مـا عليهـا تصبّـاروقودها عـاص البشـر والحجـاره

يوعد بها من صد عن درب الاخيـاراللي سبيـل الهـدي جنـب يسـاره
يأهل الشجاعه والشهامه والابصـارمن قام بأمر الديـن يكثـر وقـاره

تحيزمـوا قــدام الارواح تنـهـارالأمـل لا يلعـب عليكـم قـمـاره
يا كيف نامن بين صعبات الاخطـاربين الكبر والمـوت نسكـن بـداره

تسعـى بنـا الايـام والوقـت دواريمشي بنـا للقبـر عجـلٍ قطـاره
يا قابلين النصح عندي لكـم شـاراخوكـم الناصـح تطيعـون شـاره

خلوا علاقتكـم جويـده مـع البـاروادوا فرائضكـم بعـزم وجــداره
وابنوا صداقتكم على النصح بحجـاروساساً يجود مثل سـاس العمـاره

وطرق التعاون بامر علام الاسـرارقـدام سـوق المذبحـه والجـزاره
وتبع الردى ومصاحب الناس الاشرارعسى وجيه الخيـر منهـا مجـاره

الرجل ما يجنح من الـدرب ويسـاريعط اليمين ويكفـي الحـر اشـاره
من تاه يمسي في سنا حـر وغبـارتضيـع هقواتـه وتصغـر كبـاره

رجلاً يهين النفس عن كـل مغـوارومثل الجمل يبـرك عليهـا بـزاره
ودائم على صكـات الايـام صبـارويخلص ويطلب خالق الكون اجـاره

مبشـراً بالخيـر مـن وال الاقـدارواله بـدار الخلـد نـزل وسفـاره
جزاه روضـة جنـة بعـد الاسفـاروحـوراً يعايدهـن ولبسـاً غيـاره

وهاذي حيـاةٍ تنتهـي مالهـا كـاروحلاوتـاً تصبـح بعدهـا مـراره
والنفس تطلب زود والدهـر غـرارومـردد الجثـه عليـهـا زبــاره

والله رحيم وسلعته بأغلى الاسعـاروبشراه لأهل الديـن نعـم البشـاره
صلوا على خير الملا عد الاشجـاروعداد من صـوت بـراس المنـاره

الحمد لله